Búgin jetinshi shaqyrylǵan májilistiń birinshi jalpy otyrysynda premer-mınıstrdiń kandıdatýrasyna daýys berýde 21 depýtat qalys qaldy.

Asqar Mamın kandıdatýrasyn Qazaqstannyń premer-mınıstri laýazymyna daýys berýge 99 depýtat qatysty. Olardyń 78-i Mamınniń kandıdatýrasyn qoldap, 21 depýtat qalys qaldy.

Partıalardyń qalys qalýyn Toqaev Mamın kandıdatýrasyna qarsylyq dep túsinbeý kerektigin aıtty.

– Búgin óte qyzyq talqylaý boldy. Pikirtalas óte ashyq, anyq, aıqyn boldy. Sondyqtan men rızamyn. Barshańyzǵa rızashylyǵyńyzdy bildiremin. Kútilgendeı, "Aq jol" men "Qazaqstan halyq partıasy" fraksıalary qalys qaldy. Meniń túsinigimde, bul – prezıdent usynysyna qoldaý kórsetpeıtinin bildirmeıdi. Qalys qalý – bul memleket basshysynyń usynystaryna qaıshy kelmeıtin ustanym. Partıalardyń daýys berýde qalys qalýy – premer-mınıstrdiń kandıdatýrasyna qarsy kelý emes. Bul – tek qalys qalý, – dep túsindirdi Toqaev.