Búgin parlament májilisiniń jalpy otyrysynda úkimet basshysy laýazymyna Asqar Mamın bekitildi. 

Asqar Mamındi osy laýazymǵa prezıdent Qasym-Jomart Toqaev usynǵan bolatyn.

Asqar Uzaqbaıuly Mamın 1965 jyly Selınograd qalasynda dúnıege kelgen.

Selınograd ınjener qurylysy ınstıtýtyn, G. V. Plehanov atyndaǵy Reseı ekonomıkalyq akademıasyn ınjener-qurylysshy, ekonomıs mamandyǵy boıynsha támamdaǵan.

Eńbek jolyn «Selıntájstroı» tresinde montajdaýshy bolyp bastaǵan. 1996–2008 jyldar aralyǵynda Astana qalasy ákiminiń birinshi orynbasary, kólik jáne komýnıkasıalar vıse-mınıstri, ındýstrıa jáne saýda birinshi vıse-mınıstri, Qazaqstan Respýblıkasy kólik jáne komýnıkasıalar mınıstri, Astana qalasynyń ákimi qyzmetterin atqarǵan.

2008 jylǵy sáýirden bastap – «Qazaqstan temir joly» ulttyq kompanıasy» aksıonerlik qoǵamynyń prezıdenti. 

2016 jylǵy 9 qyrkúıekten bastap – QR Premer-Mınıstriniń Birinshi Orynbasary. 2019 jylǵy 25 aqpannan bastap Qazaqstan Respýblıkasy Prezıdentiniń Jarlyǵymen QR Premer-Mınıstri bolyp taǵaıyndaldy.

«Eren eńbegi úshin» medalimen (1998), «Qurmet» ordenimen (2006), ekinshi dárejeli «Barys» ordenimen (2011), Áýlıe knáz Máskeýlik Danııldiń úshinshi deńgeıli ordenimen (2010), Fransýz Respýblıkasynyń Qurmetti Legıony (2013) jáne Latvıa Respýblıkasynyń «Tanym kresi» ekinshi deńgeıli ordenimen (2013), Ispanıa Koróldiginiń «Azamattyq eńbegi úshin» birinshi deńgeıli ordenimen (2014) marapattalǵan.

Astana qalasynyń qurmetti azamaty (2011), Qurmetti temirjolshy (2012), Qazaqstannyń qurmetti qurylysshysy (2013).