Almaty oblysy Talǵar aýdandyq aýrýhanasynyń bas dárigeri Nurlan Qulseıitov qaıtys boldy, dep habarlady Azattyq rýhy saıty.

Saıt málimetinshe, 62 jastaǵy dáriger 2020 jylǵy 30 jeltoqsanynan bastap koronavırýstan emdelgen. Alaıda arada 18 kún ótkende Nurlan Qulseıitov jan tapsyrdy.

– Nurlan Qulseıitovtiń qos ókpesi de qabynǵan, ókpesiniń 90-95% kúıgen... Qatelespesem, bas dáriger shamamen 9 jyl buryn kólik apatyna ushyrap, áreń aman qalǵan. Endi bas dárigerdiń mindetin ýaqytsha Erbol Sársenbaev atqara turady, – dedi Talǵar aýdany ákiminiń orynbasary Ahmet Áshimahýn.

Nurlan Ǵabbasuly Almaty memlekettik medısına ınstıtýtynyń emdeý fakúltetin úzdik bitirgen. Eńbek jolyn 1984 jyly bastaǵan. Ol aýdandyq aýrýhanany 2005 jyldan beri basqarǵan.

Eske salsaq, buǵan deıin bas dáriger Nurlan Ǵabbasulynyń naýqastyń suraǵyna jaýap berý kezinde ústeldi urǵan vıdeosy áleýmettik jelide taraǵan.