Búgin Densaýlyq saqtaý vıse-mınıstri Ajar Ǵınıat COVID-19 shaldyqqan pasıentterge medısınalyq kómekti uıymdastyrý máseleleri boıynsha keńes ótkizdi. Oǵan oblystardyń, respýblıkalyq mańyzy bar qalalardyń jáne astananyń densaýlyq saqtaý basqarmalary basshylarynyń orynbasarlary, mıokard ınfarktisi jáne jaraqattar kezinde medısınalyq kómek kórsetýdiń ıntegrasıalanǵan modelin engizý jónindegi Úılestirý keńesteriniń, ınsýlt jáne onkologıalyq aýrýlar basqarmalarynyń, QR Densaýlyq saqtaý mınıstrliginiń qurylymdyq bólimsheleriniń basshylary qatysty. Bul týraly densaýlyq saqtaý mınıstrliginiń resmı saıty habarlady.

– Búginde halyq arasynda KVI aýrýynyń ósýin eskere otyryp, jergilikti jerlerdegi dárigerler tirkelgen halyqty, birinshi kezekte D-esepte turǵandardy tekserý boıynsha jumysty jalǵastyrý, naýqastardyń densaýlyq jaǵdaıynyń nasharlaýyn der kezinde anyqtaý jáne qajet bolǵan jaǵdaıda aýrýhanaǵa jatqyzý úshin koronavırýspen aýyrǵandarǵa monıtorıń júrgizý qajet. Jergilikti jerlerde jumysqa mobıldi brıgadalardy belsendi tartý kerek. Olar óz betinshe dıagnoz qoıyp, em taǵaıyndaýy kerek, – dedi vıse-mınıstr.

Keńes barysynda, sondaı-aq mıokard ınfarktisi jáne jaraqattar kezinde medısınalyq kómek kórsetýdiń ıntegrasıalanǵan modelin engizý, ınsýlt pen onkologıalyq aýrýlardy emdeý boıynsha Úılestirý keńesteriniń jumysy qorytyndylandy.

"Atalmysh keńesterdiń usynymdary boıynsha KVI etıologıasy men patogenezin eskere otyryp, qan aınalymy júıesi aýrýlary bar pasıentterge erekshe nazar aýdarý, pasıentterdi dınamıkalyq baqylaýdan ótkizýdi jolǵa qoıý, naýqastardy ambýlatorıalyq deńgeıde dári-dármekpen qamtamasyz etý, sondaı-aq mamandandyrylǵan ortalyqtardy materıaldyq jáne kadrlyq qamtamasyz etýdi kúsheıtý mańyzdy" delingen vedomstvo taratqan habarlamada.