"MýzART" tobynyń ánshisi Meırambek Bespaev koronavırýs juqtyryp, Almatydaǵy aýrýhanaǵa tústi, dep habarlady Tengrinews.kz.
– Keshe tústen keıin jedel járdem shaqyrdyq. Ol kúrt nasharlap ketti. Aldymen pnevmonıa, sodan keıin koronavırýs ekeni aıtyldy, - dedi "MýzART" tobynyń dırektory Erlan Júnisbaı.
Top dırektorynyń aıtýynsha, qazir Meırambek Bespaev ózin jaqsy sezinedi.
– Keshe keshke onymen sóılestim. Ol ózi bul aýrýǵa senbegenin aıtady. Qalqamandaǵy № 7 aýrýhananyń dárigerlerine alǵys aıtqysy keledi. Qazaqstandyqtar munyń qanshalyqty qaýipti ekenin túsinýin, úıde otyrýyn jáne qonaqtarǵa barmaýyn suraıdy, - dedi Júnisbaı.
Pikir qaldyrý