Qytaı 28 amerıkalyqqa, onyń ishinde burynǵy memlekettik hatshy Maık Pompeo men Donald Tramptyń saýda jónindegi keńesshisi Pıter Navarroǵa sanksıa engizdi. Bul týraly Qytaı syrtqy ister mınıstrliginiń málimdemesinde aıtyldy.

"Sońǵy jyldary AQSH-tyń Qytaıǵa qarsy birqatar saıasatkerleri ózderiniń saıası múddeleri men Qytaıǵa degen jekkórýshilik negizinde Qytaı men Amerıka halyqtarynyń múddelerin elemeı, Qytaıdyń ishki isterine eleýli aralasatyn bolǵan jáne QHR múddelerine nuqsan keltirgen birqatar aqylsyz áreketterdi josparlap, júzege asyrdy. Qytaı AQSH-tyń osyndaı áreketterine jaýapty 28 adamǵa sanksıa engizý týraly sheshim qabyldady" delingen habarlamada.

Buǵan deıin Maık Pompeo Qytaıdy Shyńjań-Uıǵyr avtonomıalyq aımaǵynda "genosıd jáne adamzatqa qarsy qylmystar" jasady dep aıyptaǵan. Onyń aıtýynsha, Qytaı úkimeti "uıǵyrlardy júıeli túrde joıýǵa tyrysady".

Qytaı bıligi barlyq aıyp men syndy teristep, eldiń ishki isine aralaspaýǵa shaqyrǵan.