Zeınetaqynyń bir bóligin alýǵa ótinim qabyldaıtyn saıt iske qosyldy. Bul týraly BJZQ-nyń resmı saıty habarlady.

"Búgin saǵat 09.00-den bastap enpf-otbasy.kz arnaıy saıty iske qosyldy. Portal turaqty istep tur. Ótinimdi noýtbýk/kompúter arqyly joldaýǵa bolady. Smartfon arqyly ótinim berilmeıdi. Ótinimdi joldaý úshin ESQ bolýy kerek" delingen habarlamada.

– Osy baǵdarlamaǵa qatysqysy keletin azamattar biryńǵaı zeınetaqy jınaǵy qoryndaǵy óziniń jınaǵyn esepteýi kerek. Odan keıin «Otbasy bankinde» nemese óz qalaýy boıynsha ekinshi deńgeıli bankterden arnaıy shot ashýy kerek. Úshinshi qadam: 23 qańtardan, saǵat tańerteńgi 09.00-de «Otbasy bankte» portaly ashyldy. Sol portalǵa azamattar óziniń elektrondy qoltańbasy arqyly kiredi. Ol portalǵa azamattar jetkilikti deńgeıden artyq somany qaı maqsatqa paıdalanatynyn kórsetip, ótinim beredi. Al ótinim zeınetaqy qoryna joldanady. Bes kúnniń ishinde ol jaqtan jaýap kelip, maquldanǵannan keıin azamat «Otbasy banktiń» portaly arqyly rastaıtyn qujattardy tirkep, arnaıy esepshotyndaǵy aqshany ózi kórsetken rekvızıtter boıynsha satyp alýshyǵa, ne bolmasa ıpotekany óteýge joldaıdy, – dedi "Otbasy banki" AQ ortalyq fılıalynyń dırektory Jansultan Mataev.