Úkimet qaýlysymen Sergeı Nıkolaevıch Gromov basqa jumysqa aýysýyna baılanysty ekologıa, geologıa jáne tabıǵı resýrstar vıse-mınıstri qyzmetinen bosatyldy. Bul týraly primeminister.kz saıty habarlady.

Sergeı Gromov 1959 jyly Taldyqorǵan oblysynda dúnıege kelgen. Ár jyldary aýdan ákimi, Ońtústik Qazaqstan oblysy ákiminiń birinshi orynbasary, prezıdent ákimshiliginiń memlekettik ınspektory, apparat basshysy, tóraǵa orynbasary, «Nur Otan» halyqtyq-demokratıalyq partıasynyń hatshysy, QR qorǵanys mınıstriniń orynbasary bolyp jumys istedi. 

2013-2016 jyldary – parlament senatynyń V shaqyrylymynyń depýtaty, halyqaralyq qatynastar, qorǵanys jáne qaýipsizdik komıtetiniń múshesi.

2016-2019 jyldary – parlament senaty tóraǵasynyń orynbasary.

2019 jylǵy tamyzdan bastap QR ekologıa, geologıa jáne tabıǵı resýrstar vıse-mınıstri qyzmetin atqardy.