Úkimettiń keńeıtilgen otyrysynda densaýlyq saqtaý mınıstri Alekseı Soı elde dári-dármek tapshylyǵy bolmaıtynyn aıtty.

Prezıdent Qasym-Jomart Toqaev Alekseı Soıdan dári-dármek baǵasy qalaı qadaǵalanyp jatqanyn surady. Mınıstr dári-dármektiń shekti baǵasyn qadaǵalaý máselesi qaıta qaralǵanyn aıtty.

– Qazirgi ýaqytta koronavırýs preparattary boıynsha marketıńtik shyǵyndardyń bárin alyp tastadyq. Dárihanalarda tapshylyq bolmas úshin biz koronavırýsqa shaldyqqan adamdarǵa ambýlatorıalyq dári-dármekti tegin qyldyq. Bul da dárihanalardaǵy kezekti joıdy. Osylaısha, biz antıkovıd preparattardyń baǵasyn orta eseppen 27 paıyzǵa arzandattyq. Sonymen qatar bıyl "Halyq densaýlyǵy" kodeksine tıisti ózgeristerdi engizip, bólshektik segmenttegi baǵalardy qadaǵalaý tetigin alyp tastamaqpyz. Osylaısha. biz bólshektik segmenttegi baǵany tómendeterlik qosymsha tetikterge ıe bolamyz, – dedi ol.

Prezıdenttiń "ıaǵnı dári-dármek tapshylǵy bolmaıdy ǵoı?" degen suraǵyna Alekseı Soı "ıá" dep jaýap berdi.