Prezıdent Qasym-Jomart Toqaev jumyspen qamtýdyń jol kartasyna 1 trıllıon teńge bólingenin málimdedi.

– Biz Jumyspen qamtýdyń jol kartasyn qabyldap, oǵan 1 trıllıon teńge bóldik. Bul qarjynyń 98,2 paıyzy ıgerildi. Baǵdarlama halyqty eńbekpen qamtyp, iskerlik belsendilikti qoldaý úshin mańyzdy ról atqardy.

Alaıda ondaǵan jáne júzdegen myń jumys orny ashylǵany týraly aqparatty teksergende, ol zeınetaqy jáne salyq tólemderimen sáıkes kele bermeıdi. Azamattardy qaǵaz júzinde ǵana jumysqa ornalastyrý beleń alyp otyr. Dál osyndaı 15 myń jaǵdaı tirkelgen, – dedi ol.

Onyń aıtýynsha, jumysqa ornalasty degen adamdardyń úshten biri zeınetaqy qoryna qarjy aýdarmaǵan bolyp shyqqan.

– Mundaı jaǵdaı Túrkistan, Qyzylorda jáne Jambyl oblystarynda anyqtalyp otyr. Jalpy, eńbekpen qamtylǵandardyń 40 paıyzǵa jýyǵy "kóleńkede" qalyp qoıǵan. Men buǵan deıin osyndaı esepterdi avtomatty túrde qaıta tekserý tásilderin engizý týraly tapsyrma berdim.

Daǵdarysqa qarsy sharalardyń taǵy bir kemshiligi – búdjetke túsetin salyqtyń azdyǵy. Jumyspen qamtýdyń jol kartasyna bólingen 1 trıllıonnan nebári 5,5 mıllıard teńge salyq tólengen. Bul – jarty-aq paıyz degen sóz, – dedi memleket basshysy.