Densaýlyq saqtaý mınıstrligi buǵan deıin jasalǵan kelisim negizinde Qaraǵandy farmasevtıkalyq kesheni elge "Spýtnık V" vaksınasynyń alǵashqy partıasyn jetkizgenin habarlady.

1 aqpannan Qazaqstanda "Spýtnık V" ekpesimen erkiti túrde vaksınasıalaý naýqany bastalady.

Jalpy, aqpan aıynda Qaraǵandy farmasevtıkalyq kesheni vaksınanyń 112 myń dozasyn, naýryzda – 150 myń, sáýirden maýsymǵa deıin – aı saıyn 600 myń dozany jetkizbek.

Sondaı-aq, sáýir aıynan bastap 75 myń doza kóleminde QazCovid-in otandyq vaksınasy salynady dep josparlanýda, aı saıyn onyń kólemi 500 myń dozaǵa kóbeıedi.

"Birinshi kezekte halyqtyń jekelegen toptary – medısına qyzmetkerleri, polıseıler, áskerı qyzmetkerler jáne t.b. vaksınasıalanady. Vaksınasıalaýǵa profılaktıkalyq egýge qarsy kórsetkishteri joq adamdar jiberiledi. Vaksınasıa aldynda dáriger pasıentti mindetti túrde tekseredi. El boıynsha egý pýnktteriniń daıyndyǵy tekserildi, profılaktıkalyq egý júrgizý máseleleri boıynsha standartty operasıalyq rásimder bekitildi, 2 myńnan astam medısına qyzmetkeri oqytyldy" delingen mınıstrlik taratqan aqparattyq habarlamada.