Prezıdent Qasym-Jomart Toqaev joǵarǵy sot tóraǵasy Jaqyp Asanovty qabyldady, dep habarlady Aqorda saıty.

Joǵarǵy sot tóraǵasy 2021 jyldyń 1 shildesinen bastap Ákimshilik rásimdik-prosessýaldyq kodeks qoldanysqa engennen keıin sottar memlekettik qurylymdarǵa qoıylatyn talaptardy álemdik ákimshilik ádilet júıesine sáıkes "memlekettik organnyń kinálilik prezýmpsıasy" prınsıpimen qarastyra bastaıtynyn jetkizdi.

Jaqyp Asanovtyń aıtýynsha, sheteldik tájirıbe kórsetkendeı, ákimshilik ádilet júıesin engizý memlekettik apparattaǵy tártipti kúsheıtýge, ınvestısıalyq ahýaldy jaqsartýǵa jáne ekonomıkanyń ósýine yqpal etedi.

Toqaev atalǵan Kodeks kúshine engen kúnnen bastap sottar jańartylǵan algorıtm negizinde, qazaqstandyq sot tóreligi úshin tyń tásil boıynsha jumys isteýge daıyn bolady dep senetinin aıtty.

Prezıdent azamattardyń jáne kásipkerlerdiń quqyqtary men múddelerin qorǵaý memlekettiń basty mindetteriniń biri ekenin atap ótti.