Biryńǵaı jınaqtaýshy zeınetaqy qoryna salymshylarynyń 50 myńyna jaqyn kúnderi qarjy aýdarylady. Bul týraly "Otbasy bank" AQ tóraǵasy Lázzat Ibragımova ortalyq komýnıkasıalar qyzmetinde ótken baspasóz máslıhatynda habarlady.

– BJZQ portaly men bizdiń banktiń portalyna 80 myńnan asa ótinish tústi. Onyń ishinde 50 519 ótinish ıesi qazir jeke kabınetine kirse, BJZQ ótinishin qaraýǵa qabyldaǵany týraly jaqsy jańalyqty kóre alady. Qaraý merzimi 3 kúnnen 5 kúnge deıingi aralyqta bolady. 50 myń salymshy is júzinde birinshi kezeńnen ótti. Olardyń ótinishi arnaıy shotqa aqsha aýdarý satysynda tur. Onyń 8 myńy keshe saǵat 16:00-ge deıin ózderiniń arnaıy shottaryndaǵy aqshany kórdi. Bul mobıldi qosymshada kórinip tur, – dedi Ibragımova.

Eske salsaq, 23 qańtarda Qazaqstanda zeınetaqynyń bir bóligin alýǵa ótinim qabyldaý bastaldy.