Qazaqstannyń densaýlyq saqtaý vıse-mınıstri Ajar Ǵınıat koronavırýsqa qarsy vaksınasıa pasıenttiń kelisimimen júrgiziletinin aıtty. 

– Vaksınasıalaý tek ekpeniń aqparattandyrylǵan kelisimimen, ıaǵnı pasıenttiń, medısına qyzmetkeriniń nemese sol qaterli topqa jatatyn adamdardyń kelisimimen jáne memlekettik búdjettiń esebinen tegin júrgiziledi, – dedi ol.

Vıse-mınıstr vaksınasıalaýǵa profılaktıkalyq egýge qarsy kórsetilimderi joq adamdar jiberiletinin atap ótti. 

– Ekpeniń aldynda dene temperatýrasyn ólsheý men epıdemıologıalyq anamnezdy jınaý, júrek jıyrylýynyń jıiligin, arterıalyq qysymdy ólsheý, tynys alý jáne júrek qan-tamyr júıelerin tyńdaý, dárigerdiń mindetti tekserýin júrgizý kerek. Eger temperatýra 37-den assa, ekpe jasaýǵa bolmaıdy, – dedi Ajar Ǵınaıat.