Qazaqstannyń bas sanıtar dárigeri Erlan Kıasov koronavırýsqa qarsy  "Spýtnık V" vaksınasy týraly aıtty.

– KVI-ǵa qarsy vaksınasıada Reseıdiń Epıdemıologıa jáne mıkrobıologıa ǵylymı-zertteý ortalyǵy ázirlegen "Spýtnık V" vaksınasy qoldanylady.  Álemdegi jetekshi medısınalyq ǵylymı jýrnaldardyń biri – Lancet (Ulybrıtanıa) SARS-CoV-2 koronavırýsyna qarsy vaksınanyń tıimdiligi 91,6%-dy quraǵanyn habarlady.

"Spýtnık V-dan" keıin ımýnıtet kem degende 2 jyl saqtalýy múmkin ekeni dáleldendi. Vaksına koronavırýstyń "Brıtanıalyq" jáne "Ońtústik Afrıka" jańa shtamdaryna qarsy tıimdi, – dedi ol.

Sondaı-aq bas sanıtar dáriger vaksınany jasaýshylar "Spýtnık" COVID-19-dyń ortasha jáne aýyr aǵymynan 100% qorǵaıtynyn málim etti.

– Joǵaryda atap ótkenimizdeı, vaksınasıa vaksınanyń túsýin jáne halyqtyń ártúrli toptarynyń epıdemıologıalyq mańyzyn eskere otyryp, kezeń-kezeńimen júzege asyrylady, – dedi Erlan Qıasov.