Násildik ádiletsizdikke qarsy kúresý úshin búkil álemdegi adamdardy sherýge alyp shyqqan "Black Lives Matter" (qazaqsha: qara násildilerdiń ómiri mańyzdy) qozǵalysy Nobel syılyǵyna usynyldy. Nomınasıany usynǵan norvegıalyq depýtat Pıter Eıde CBS News telearnasyna ne úshin olaı istegeni týraly aıtty.

"Black Lives Matter – násildik ádiletsizdikke qarsy kúresetin álemdegi eń iri jáne eń kúshti qoǵamdyq qozǵalys dep sanaımyn" dedi 61 jastaǵy Eıde CBS News telearnasyna.

– Álemde násildik ádiletsizdikti, sondaı-aq teńsizdikterdi, etnıkalyq jáne mádenı aıyrmashylyqtardy negiz etken qaqtyǵystar kóbeıip bara jatyr. Násildik máseleler boıynsha bilim men túsinikti  qalyptastyrý óte mańyzdy dep sanaımyn,– dedi ol.