Qazaqstannyń densaýlyq saqtaý vıse-mınıstri Ajar Ǵınıat taldyqorǵandyq meıirbıkeniń vaksına saldyrǵannan keıin qulap qalýy "vaksınanyń áserinen emes" dep rastady.

– Eki kúnniń ishinde 5000-nan astam medısına qyzmetkerine ekpe egildi. Taldyqorǵandaǵy jaǵdaıǵa kelsek, meıirbıkeniń qulap qalýy vaksınanyń áserinen emes. Meıirbıke ekpeden shoshynǵanyn aıtty. Ol kisiniń densaýlyǵynda vaksınaǵa qarsy alergıalyq belgiler bolǵan joq, – dep jaýap berdi.

Sonymen qatar ol Aqmola, Almaty, Qaraǵandy, Qyzylorda, Pavlodar, Túrkistan oblystarynda, Almaty, Nur-Sultan jáne Shymkent qalalarynda syrqatqa shaldyǵý artqanyn atap ótti.

– 27 900 pasıent emdelýdi jalǵastyrýda. Onyń ishinde 22 112 adam ambýlatorıala, 5788 adam stasıonarda emdelýde.

KVI-dy emdeý úshin stasıonarlarda 20 990 tósek-orny bar. Respýblıka boıynsha ınfeksıalyq kereýetterdiń qamtylý kórsetkishi 28%-dy quraıdy. Infeksıalyq stasıonarlarda reanımasıalyq kómek kórsetý úshin 1 884 oryn daıyn (tolyǵy 20%), – dedi vıse-mınıstr.

Aıta keteıik, búgin Taldyqorǵanda meıirbıke reseılik "Spýtnık V" vaksınasyn saldyrǵannan keıin esinen tanyp qalǵan bolatyn.