Búgin, 4 aqpanda belsendi Maks Boqaev túrmeden shyqty, dep habarlady azh.kz saıty. 

Saıt málimetinshe, Maks Boqaev túzeý kolonıasynan tańǵy saǵat 6:00-de shyqqan. Ony aldynan jaqtastary men BAQ ókilderi qarsy alǵan.

Boqaevtyń aıtýynsha, tańerteń erte baraqqa qylmystyq-atqarý júıesi komıteti (QAJ) qyzmetkerleri kútpegen jerden kelip, birge syrtqa shyǵý keregin aıtqan.

Azh.kz aqparatyna sáıkes, bul saıası belsendini bosatý tóńireginde dúrbeleń týǵyzbaý úshin jáne Boqaevty kolonıa aldynda qarsy alǵysy keletin adamdardy jınamaý úshin jasalǵan.

– Halyqtyń qoldaýy bolmaǵan jaǵdaıda meni joq qylyp jiberetin edi. Súıegimdi taba almaıtyn edińder. Raqmet sol úshin! Raqmet, halaıyq! Aıtaıyn degenim, qazir teledıdardan, radıodan, gazetterden jaǵdaıdy qarap otyrmyn ǵoı. Nazarbaev taqtan ketse de 5 mılımetr ǵana ózgeris bar. Alyp bara jatqan ózgeris joq. Ári qaraı qoǵamdyq jumystardy jalǵastyra beremin. Maǵan tyıym salsa da jalǵastyramyn. 10 jyl boıy qoǵamdyq jumysta júrmin. Meniń usynysym: 28 aqpanda jeksenbi kúni mıtıń uıymdastyrý. Men ózim baramyn. Búkil Qazaqstan shyǵaıyq, – dedi belsendi.

Maks Boqaev úkimet aqylǵa kelmese, sózin tyńdamasa, 3 naýryzdan bastap alańdarǵa shatyr tigip otyrý keregin aıtty. 

Belsendi Maks Boqaev 2016 jylǵy jer daýyn kótergen mıtıńterden keıin 5 jylǵa sottalǵan.