"Otbasy banktiń" basqarma tóraıymy Lázzat Ibragımova birjolǵy zeınetaqy tólemderin alý joldary jeńildetilgenin málimdedi. Bul týraly ol óziniń áleýmettik jelidegi paraqshasynda jazdy.

– 20 kúnniń ishinde, tipti odan erterek enpf-otbasy.kz saıtynda sizdiń turǵyn úı jaǵdaıyńyzdy jaqsartýǵa degen armanyńyzǵa bastar joldy jeńildete túsetin qyzmet engiziledi, – dep habarlady basqarma tóraıymy.

Onyń aıtýynsha, páter satyp alý nemese zaımdy óteýge arnalǵan qujattardy júktegenge deıin birrettik zeınetaqy tólemin alǵan soń oǵan týys adam bergen qarajatty qosý múmkindigi beriledi. Iaǵnı bul, ásirese birrettik zeınetaqy tólemin alǵannan keıin úlken qarjyǵa jyljymaıtyn múlik satyp alýdy josparlanǵandar úshin yńǵaıly.

BJZQ-dan esepshotqa aqsha túsken soń birrettik zeınetaqy tólemin paıdalaný maqsatyn ózgertýge jáne túzetýler engizýge bolady. Sondaı-aq eger zeınetaqy tólemderi arnaıy esepshotqa túsip qoısa, ol ótinishtiń kúshin joıaǵa bolady.

– Esepshotqa aqsha túsken soń kópshiliginde aqshanyń túsken, túspegenin qaraı almaı shatasyp jatady. Sondyqtan búginnen bastap klıentterge aqshanyń arnaýly esepshotqa túskeni týraly súıinshi jańalyqty habarlamamen jiberemiz. Sonymen qatar "Otbasy bankinde" nesıeni ishinara merziminen buryn óteý týraly qosymsha kelisimge qol qoıýǵa keńsege barmaıdy. Barlyq qujattarǵa qol qoıý ınternet-bankıng arqyly júzege asady, – dep atap ótti ol.