Májilis depýtattary Zarına Kamasova jáne Ǵalymjan Eleýov búgin koronavırýs ınfeksıasyna qarsy ekpe jasady. Bul týraly májilistiń baspasóz qyzmeti habarlady.

Aqparattyq habarlamada májilis depýtattary vaksınanyń bastapqy kezeńinen ózderiniń medısınalyq áriptesterimen qatar alǵashqylardyń biri bolyp ótken. Olar VII shaqyrylymdaǵy Májilis depýtattary bolyp saılanǵanǵa deıin indetpen kúres sheńberinde aımaqtarda medısınalyq mekemelerde jumys istegen.

Depýtattar jappaı vaksınasıalaý ujymdyq ımýnıtetti tez qalyptastyrýǵa jáne qazaqstandyqtardyń ómirin qalypty jaǵdaıǵa keltirýge múmkindik beretinine senim bildirdi.

– Dáriger retinde men qazir jappaı vaksınasıalaý ǵana koronavırýstyń taralýyna qarsy tura alatynyn jaqsy túsinemin. Árıne, bul ár adamnyń erki. Men naqty sheshim qabyldadym: ekpe jasatamyn. Óıtkeni, ol meniń de, týystarym men dostarymnyń da densaýlyǵy osyǵan baılanysty, – dedi májilis depýtaty Ǵalymjan Eleýov.

Depýtattar ekpe engizilgennen keıin densaýlyqtarynyń birqalypty ekenderin aıtty.

Májilistiń baspasóz qyzmeti qalǵan depýtattardy vaksınasıalaý naýryz aıynda densaýlyq saqtaý mınıstrliginiń kestesine sáıkes júrgiziletinin málim etti. Al májilis tóraǵasy Nurlan Nyǵmatýlın osyǵan deıin koronavırýs ınfeksıasymen aýyrǵandyqtan, jetkilikti antıdeneler bar ekeni habarlanyp, oǵan ekpe saldyrýdy qajet etetin medısınalyq kórsetkishter joq ekeni habarlandy.