Áleýmettik jelide vaksına saldyrǵannan keıin qulap qalǵan taldyqorǵandyq meıirbıkeniń vıdeoúndeýi tarap jatyr. Oblystyq aýrýhananyń ınfeksıalyq bóliminde isteıtin meıirbıke esinen tanýyna baılanysty taraǵan keıbir aqparat jalǵan ekenin jetkizdi.

– Keshe №2 emhanaǵa COVID-19-ǵa qarsy vaksına alýǵa bardyq. Vaksına alar aldynda ýaıymdaǵannan keıin júregimniń soǵysy qatty bolyp, sol jerde maǵan alǵashqy kómek kórsetildi. Alǵashqy kómek kórsetilgennen keıin jaǵdaıym jaqsaryp úıge qaıttym. Al Instagram jelisindegi meni "sol jerde talyp qalypty", meni "jansaqtaý bólimine alyp ketipti" degen aqparattyń bári jalǵan ekendigin aıtqym keledi, – dedi meıirbıke.

Qazirgi ýaqytta meıirbıke óziniń jumysta otyrǵanyn jáne jaǵdaıy jaqsy ekenin aıtty.

3 aqpanda taldyqorǵandyq meıirbıke reseılik "Spýtnık V" vaksınasyn saldyrǵannan keıin esinen tanyp qalǵany habarlanǵan.

Keıinnen Qazaqstannyń densaýlyq saqtaý vıse-mınıstri Ajar Ǵınıat meıirbıkeniń vaksına saldyrǵannan keıin qulap qalýy "vaksınanyń áserinen emes" ekenin málimdegen.