Aldymen messendjerlerde "2021 jylǵy 4 aqpanda saǵat 01:51-de Aqtóbe qalasy Ábilqaıyr han kóshesindegi "Stadıon" aıaldamasy mańynda turǵan memlekettik nomeri 756 PVA 04 VAZ 2107 avtokóliginiń ishinen 29.10.2002 jyly týǵan azamat HAIROLLA Dáýlet Tóleýbaıulynyń denesi tabylǵany" týraly aqparat taraǵan. Habarlamada sportshy atys kezinde oq tıip, qaıtys bolǵany aıtylady.
Sportshynyń qazasy týraly aqparatqa prokýratýra men oblystyń ishki ister departamenti pikir bildirmegenimen, oblystyq dene shynyqtyrý jáne sport basqarmasy qaraly habardy rastap, medısınalyq tasymal kereýette jatqan Dáýlet Haırollanyń máıiti ekenin málimdedi.
Beıresmı derekter, kisi ólimine ádettegi janjal sebep bolǵanyn kórsetedi. Dáýlet Haırolla o basta janjal bolǵan qala shetine dosyna qoldaý kórsetýge kelgen. Alaıda eregis sońy ýshyǵa kele atysqa ulasyp, qańǵyǵan oq kezdeısoq Dáýletke kelip tıgen. Atqan jigitter ne isterin bilmeı, qatty qoryqqanynan Dáýletti kólikterine salyp, qalada árli-berli júrip, aqyrynda denesin Ortalyq stadıon mańyna kólikte qaldyryp ketken.
Dáýlet Haırolla kıokýshınkaı karateden 2018 jylǵy Azıa chempıony, qońyr belbeý ıegeri bolatyn. Kelesi aptada el kýbogy úshin ótetin jarysqa qatysqaly otyr edi.
Pikir qaldyrý