Qazaqstannyń 8 óńirinde jol jabyldy, dep habarlady tótenshe jaǵdaılar mınıstrliginiń resmı ókili Talǵat Ýálı.

– "QazAvtoJol" UK" AQ jáne "Jolaýshylar kóligi jáne avtomobıl joldary basqarmasy" MM derekteri boıynsha aýa raıynyń nasharlaýyna baılanysty (kóktaıǵaq, qar aralas jańbyr, jaıaý burqasyn, shekteýli kóriný) elimizdiń segiz óńirinde Nur-Sultan qalasyndaǵy, Soltústik Qazaqstan, Aqmola, Qostanaı, Pavlodar, Qaraǵandy, Qyzylorda, Shyǵys Qazaqstan oblystaryndaǵy respýblıkalyq jáne oblystyq mańyzy bar avtojoldarda avtokóliktiń barlyq túrleri úshin qozǵalys jabyldy, – dep habarlady Talǵat Ýálı.

Mınıstrlik azamattardy aýa-raıynyń ózgeristerin baqylaýǵa shaqyrady.

"Daýyldy eskertý týraly habarlamalardy tyńdap, qajetti saqtyq sharalaryn saqtańyzdar. Qys maýsymynda kólikpen alys joldarǵa shyqpas buryn, aýa raıy boljamyn mindetti túrde zerdelegen jón. Eger qatty boran, burqasyn bolsa, jol keptelisinde uzaq turyp qalýyńyz múmkin. Tipti jol-kólik oqıǵasyna da tap bolýyńyz yqtımal. Eger qandaıda bir eldi mekenge shuǵyl barýyńyz kerek bolsa, dittegen jerińizge kedergisiz jetý úshin temirjol kóligin paıdalanýǵa keńes beremiz" delingen habarlamada.