Prezıdent Qasym-Jomart Toqaev 2021 jyldyń naýryz-shildesinde jáne qyrkúıek-jeltoqsanynda merzimdi áskerı qyzmetke kezekti shaqyrý týraly jarlyqqa qol qoıdy. Bul týraly Aqorda saıty habarlady.

Atalǵan qaýlyda:

"1. Áskerı qyzmettiń belgilengen merzimin ótkergen merzimdi áskerı qyzmettegi áskerı qyzmetshiler 2021 jyldyń naýryz-shildesinde jáne qyrkúıek-jeltoqsanynda Qazaqstan Respýblıkasynyń Qarýly Kúshteri, Qazaqstan Respýblıkasynyń İshki ister mınıstrligi, Qazaqstan Respýblıkasynyń Tótenshe jaǵdaılar mınıstrligi, Qazaqstan Respýblıkasynyń Ulttyq qaýipsizdik komıteti, Qazaqstan Respýblıkasynyń Memlekettik kúzet qyzmeti qatarynan zapasqa shyǵarylsyn.

2. Áskerge shaqyrýdy keıinge qaldyrýǵa nemese odan bosatylýǵa quqyǵy joq on segiz jastan jıyrma jeti jasqa deıingi er azamattar 2021 jyldyń naýryz-shildesinde jáne qyrkúıek-jeltoqsanynda Qazaqstan Respýblıkasynyń Qarýly Kúshterine, Qazaqstan Respýblıkasynyń İshki ister mınıstrligine, Qazaqstan Respýblıkasynyń Tótenshe jaǵdaılar mınıstrligine, Qazaqstan Respýblıkasynyń Ulttyq qaýipsizdik komıtetine, Qazaqstan Respýblıkasynyń Memlekettik kúzet qyzmetine merzimdi áskerı qyzmetke shaqyrylsyn.

3. Jergilikti atqarýshy organdar tıisti jergilikti áskerı basqarý organdary arqyly 2021 jyldyń naýryz-shildesinde jáne qyrkúıek-jeltoqsanynda azamattardy merzimdi áskerı qyzmetke shaqyrýdy júrgizýdi uıymdastyrsyn jáne qamtamasyz etsin.

4. Qazaqstan Respýblıkasynyń Úkimeti, Qazaqstan Respýblıkasynyń Ulttyq qaýipsizdik komıteti, Qazaqstan Respýblıkasynyń Memlekettik kúzet qyzmeti merzimdi áskerı qyzmetti ótkerý úshin Qazaqstan Respýblıkasynyń Qarýly Kúshterine, Qazaqstan Respýblıkasynyń İshki ister mınıstrligine, Qazaqstan Respýblıkasynyń Tótenshe jaǵdaılar mınıstrligine, Qazaqstan Respýblıkasynyń Ulttyq qaýipsizdik komıtetine, Qazaqstan Respýblıkasynyń Memlekettik kúzet qyzmetine áskerge shaqyrylǵan Qazaqstan Respýblıkasynyń azamattaryn jóneltýdi jáne merzimdi áskerı qyzmettiń belgilengen merzimderin ótkergen áskerı qyzmetshilerdi shyǵarýdy qarjylaı jáne materıaldyq qamtamasyz etýdi uıymdastyrsyn" delingen resmı saıt jarıalaǵan qujatta.