Eńbek jáne halyqty áleýmettik qorǵaý mınıstrligi zeınet jasynyń ózgeretini týraly aqparatqa túsinikteme berdi.
"Messendjerler men áleýmettik jelilerde taratylǵan Qazaqstanda zeınetkerlik jastyń ózgertilýi týraly aqparat shyndyqqa janaspaıdy. Qoldanystaǵy zańnamaǵa sáıkes erler úshin zeınetkerlik jas – 63 jas, áıelder úshin búgingi tańda – 60 jas jáne odan ári 2027 jylǵa qaraı 63 jasqa deıin birtindep artady" delingen habarlamada.
Resmı saıttyń málimetine súıensek, búgingi kúni respýblıkada yntymaqty, bazalyq jáne jınaqtaýshy zeınetaqy tólemderin (BJZQ) qamtıtyn úsh deńgeıli zeınetaqy júıesi qalyptasqan. Zeınetaqynyń jıyntyq mólsheri eńbek ótiline baılanysty bolyp keledi.
Pikir qaldyrý