Prezıdent Qasym-Jomart Toqaev joǵary sot keńesiniń tóraǵasy Talǵat Donaqovty qabyldady. Bul týraly Aqorda saıty habarlady.

Talǵat Donaqov prezıdentke elimizdegi sot korpýsynyń jalpy ahýaly, joǵary sot keńesiniń byltyrǵy jumysynyń qorytyndylary men bıylǵy jylǵa jospary jaıynda baıandady.

Saıt málimetinshe, memleket basshysyna Qazaqstan halqyna joldaýynda jáne respýblıkalyq sottar sıezinde bergen tapsyrmalarynyń oryndalý barysy týraly aqparat berildi.

Sonymen qatar prezıdentke joǵary sot keńesi sýdıalardy irikteýdiń sapasyn arttyrý úshin qoldanatyn zamanaýı HR jáne sıfrlyq tehnologıany engizý jóninde aıtyldy.

Kezdesý sońynda Qasym-Jomart Toqaev Talǵat Donaqovqa keńes jumysyna jańa tehnologıalardy engizý, sondaı-aq, eldegi jańa qurylǵan ákimshilik sottarǵa sapaly mamandar irikteý týraly tapsyrma berdi.