Qazaqstan jazýshylar odaǵynyń múshesi, "Parasat", "Qurmet" ordenderiniń, "Eńbektegi erligi úshin" medaliniń ıegeri Yrym Kenenbaı 74 jasqa qaraǵan shaǵynda dúnıeden ozdy.

 

Yrym Sýanbaıuly Kenenbaı 1947 jyly 19 maýsymda Almaty oblysy Taldyqorǵan aýdanynyń Jetisý Alataýy dúnıege keldi. 1969 jyly Qazaq memlekettik ýnıversıtetiniń jýrnalısıka fakúltetin bitirgen. Ótken ǵasyrdyń jetpisinishi jyldarynan bastap jan-jaqty, san qyrly jýrnalısik talantymen tanylyp, ár jyldary respýblıkalyq basylymdarda, baspa salasynda qyzmetter atqardy. Ol "Lenınshil jas" gazetinde 11 jyl boıy qyzmet jasap, gazettiń mádenıet jáne ǵylym, jastar, nasıhat bólimderine jetekshilik etti, redkollegıa múshesi jáne 1979-1985 jyldary "Qazaqstan" baspasynda aǵa redaktor, "Mektep" baspasynda bólim meńgerýshisi, bas redaktordyń orynbasary boldy. Arnaıy úkimet kaýlysymen jańadan ashylǵan "Ana tili" baspasynyń uıymdastyrýshylarynyń biri, bas redaktordyń orynbasary, dırektordyń birinshi orynbasary, dırektory syndy jaýapty qyzmetterde kórindi. Sonymen qatar, "Bilim" baspasyn uıymdastyryp, basshylyq etti. Y.Kenenbaı uzaq jyldar "Alataý" baspa-polıgrafıalyq korporasıasynyń prezıdenti bolǵan.

 

Onyń "Labasy eteginde", "Qyrda ósken qyzǵaldaqtar", "Jas shopandar aýyly", "İnjý-marjandar", "Bir ýys dán", "Qolǵanat", "Er júregi", "Máńgi jaz eli", Tańdamaly shyǵarmalar jınaǵy (1,2 tom) syndy kóptegen kitaptary jaryq kórgen.

 

"Elimizdegi baspa salasynyń qarqyndy damýyna, jańa beleske kóterilýine aıryqsha úles qosqan, qazaq baspasózi men ádebıetinde ózindik qoltańbasyn qalyptastyrǵan, ózine júktelgen jaýapty qyzmetterdi abyroı bıiginde atqaryp, aınalasyna, el-jurtyna syıly bolǵan qalamgerdiń jarqyn beınesi oqyrman jadynda, áriptesteriniń júreginde máńgi saqtalady" delingen habarlamada.