Densaýlyq saqtaý mınıstri Alekseı Soı qansha medısına qyzmetkeriniń "Spýtnık V" vaksınasyn saldyrǵanyn málimdedi.

– Qazaqstanda 13 301 medısına qyzmetkeri "Spýtnık V" vaksınasyn saldyrdy. Vaksınasıa barlyq óńirde júrip jatyr, búginde osy maqsatta 778 egý pýnkti ashyldy, olardyń 166-y endi iske qosyldy, túgel derlik tońazytqyshpen qamtamasyz etilgen. 9 myńnan astam medısına qyzmetkeri osy salaǵa arnaıy oqytyldy, – dep aıtty mınıstr.

Alekseı Soı maman retinde vaksınasıanyń 400 jyldan astam ýaqyt boıy adamzatty sheshek, oba sıaqty sońy ólimge aparyp soqtyratyn qaýipti aýrýlardan qorǵap kelgenin tilge tıek etti.

– Sońǵy 30 jylda epıdemıalyq parotıtpen syrqattanýshylar sany 870 eseden kóp tómendegen. Halyq arasynda "V" vırýstyq gepatıtimen syrqattanýdyń 150 esege, kókjótelmen syrqattanýdyń 7,3 esege tómendegeni baıqaldy. Birtindep osy ekpeniń arqasyda polıomıelıt, dıfterıa, sirespe, qyzamyq sıaqty ınfeksıalar da umytylady, – dedi Soı.