Shymkent, Taldyqorǵan qalasy jáne Atyraý, Soltústik Qazaqstan, Shyǵys Qazaqstan, Batys Qazaqstan,  Túrkistan, Qyzylorda, Qostanaı oblystarynda karantındik shekteý sharalary kúsheıtildi. Bul týraly oblystardyń bas sanıtar dárigerleri málimdedi.

Shymkent qalasynyń bas sanıtar dárigeri Ábdimanap Týlebaev karantındi kúsheıtýge qatysty jańa qaýlysyn shyǵardy.

"Shymkent qalasynyń aýmaǵynda 08 aqpan saǵat 00:00-den bastap 22 aqpan saǵat 00:00-ge deıin karantın jáne shekteý sharalary uzartylsyn" delingen qaýlyda.

Jańa qaýlyǵa sáıkes: 

• adamdardyń kóp jınalýyna baılanysty kez kelgen is-sharalardy ótkizýge tyıym salynady (banket, toı, eske alý, týǵan kún, mereıtoı, shyǵaryp salý, qudalyq);
• 65 jastan asqan adamdardyń qalada júrýine shekteý qoıylady;3 adamnan aspaıtyn toptarmen nemese bir otbasy múshelerimen aýlalarda serýendeýge, saıabaqtarǵa, alańdarǵa, skverler men jaǵalaýlarǵa barýǵa ruqsat etiledi.

Taldyqorǵan qalasynyń bas sanıtar dárigeri E. Ásimqulov karantındik jańa shekteý sharalary 15 aqpan saǵat 7:00-den bastap kúshine enetinin eskertti.

Qaýlyǵa sáıkes: 

• 50 orynnan joǵary qoǵamdyq tamaqtaný obektileriniń jumysy toqtatylady;
• mádenı, buqaralyq, sporttyq is-sharalardy ótkizýge tyıym salynady;
• jeke kezdesýler (jınalys, semınar, trenıń, forým, konferensıalar) ótkizýge tyıym salynady; 
• bank pochta bólimsheleri jáne halyqqa qyzmet kórsetý ortalyqtaryna aldyn-ala jazylý boıynsha barýy tıis.

Atyraý oblysynyń bas sanıtar dárigeri M. Tanaýovtyń qaýlysy 11 aqpan saǵat 00:00-den bastap kúshine endi.

"Atyraý oblysy turǵyndary arasynda koronavırýs ınfeksıasynyń aldyn-alýǵa qatysty sharalar týraly" bas memlekettik sanıtar dárigeriniń 2021 jyldyń 10 aqpandaǵy №3 qaýlysyna ózgerister engizildi.

Bas sanıtar dárigerdiń qaýlysynda tómendegideı talaptar bar:

• qoǵamdyq tamaqtaný oryndarynda tamaqtaný kezinde áleýmettik araqashyqtyqty saqtaı otyryp jáne 5 (bes) jasqa deıingi balalardy kospaǵanda, qoǵamdyq oryndarda, turǵyndardyń barýyna jáne demalýyna, qyzmet kórsetýge arnalǵan oryndarda, qoǵamdyq kólikterde medısınalyq nemese mata betperdelerdi kıý mindetti;
• 65 jastan asqan adamdarǵa azyq-túlik, dári-dármek pen medısınalyq buıymdardy, qajetti taýarlardy satyp alýdy, sondaı-aq medısınalyq mekemelerge barýdy  qospaǵanda asa qajettilik bolmasa turǵylyqty jerinen shyqpaýy tıis;
• barlyq oblys turǵyndaryna halyq kóp shoǵyrlanatyn jerlerge barmaýǵa, áleýmettik araqashyqtyqty saqtaýǵa, betperde tártibin jáne jeke bas gıgıenasyn saqtaýy tıis;
• merekelik, oıyn-saýyq, kópshilik mádenı, sporttyq, bilim berý is-sharalardy, kórmelerdi, korporatıvti, forýmdardy, konferensıalardy, sondaı-aq otbasylyq, estelik is-sharalardy ótkizýge tyıym salynady;
• dinı obektiler (meshitter, shirkeýler, soborlar, sınagogalar jáne basqalar) toltyrylýy 30% - dan aspaıtyn jáne bir kelýshige keminde 5 m²qamtamasyz ete otyryp, jumys kúnderi ǵana jumys isteýge ruqsat etiledi;
• sulýlyq salondary, shashtarazdar, kosmetologıalyq qyzmet kórsetetin obektiler aldyn ala jazylý boıynsha (obektiniń toltyrylýy  1 kelýshige keminde 4 sharshy metr esebimen) shtattyq rejımde jumys kestesin belgileı otyryp ruqsat etiledi.

Al, Soltústik Qazaqstan oblysynyń bas sanıtar dárigeri Á. Jumataev 2021 jyldyń 9 aqpandaǵy №3 qaýlysynda:

• jumys ýaqyty 10.00-den 24.00-ge deıin, aýdany 500 m2-den asatyn azyq- túlik emes dúkenderdiń qyzmetine ruqsat beriledi;
• azyq-túlik emes dúkenderdiń qyzmetine saǵat 10.00-den 24.00-ge deıin ruqsat beriledi;
• 50 adamnan aspaıtyn fıtnes, jattyǵý ortalyqtaryna aldyn-ala jazylýy boıynsha jumys isteýine ruqsat beriledi;
• jumys rejımi 09.00-den 22.00-ge deıin, 50 adamnan aspaıtyn qoǵamdyq monshalar, saýnalardyń jumysyna ruqsat beriledi;
• qoǵamdyq kólik qyzmeti saǵat 06:00-den 22:00-ge deıin júrýine ruqsat etiledi.

Qaýly 13 aqpan saǵat 00:00-den bastap kúshine endi.

Shyǵys Qazaqstan oblysynyń bas sanıtar dárigeri H. Ilúbaev koronavırýs ınfeksıasyn aldyn alý úshin óz qaýlysyna jańa ózgerister men tolyqtyrýlar engizdi.

"SHQO-da 14 aqpannan bastap 27 aqpanǵa deıin shekteý sharalary uzartylsyn" delingen qujatta.

Qaýlyǵa sáıkes:

• buqaralyq otbasylyq, saltanatty, eske alý is-sharalarynyń (banketter, úılený toılary, mereıtoılar, as berý), onyń ishinde úıde ótkizilýine tyıym salynady;
• adamdar kóp jınalatyn jerlerde, onyń ishinde jabyq úı-jaılarda jáne buqaralyq teatrlandyrylǵan qoıylymdardyń, anımatorlar men qýyrshaqtar qyzmetteriniń, shoý-baǵdarlamalardyń, konsertter men basqa da buqaralyq is-sharalardyń ótkizilýine tyıym salynady;
• qýaty 150 adamǵa deıin, toltyrylýy 25%-dan aspaıtyn aýyldyq jerlerde ornalasqan meshitterdi qospaǵanda, meshitterde juma namazynyń ótkizilmeýi tıis;
• qoǵamdyq oryndarda, onyń ishinde avtobýs aıaldamalarynda jáne qoǵamdyq kólikte, onyń ishinde taksıde maska kıý rejımin saqtaýy tıis.

Batys Qazaqstan oblysynyń bas sanıtar dárigeri M.Aryspaev karantın sharalary týraly №5 qaýlysyna ózgerister engizgenin málimdedi.

• oıyn-saýyq, sporttyq is-sharalardy, kórmelerdi, forýmdardy, konferensıalardy, sondaı-aq otbasylyq, estelik is-sharalardy (banketter, úılený toılary, mereıtoılar, eske alý jáne t. b.), onyń ishinde úıde jáne adamdar kóp jınalatyn ózge de is-sharalardy ótkizýge tyıym salynady;
• barlyq oıyn-saýyq obektileriniń, banket zaldarynyń, barlyq túrdegi oıyn alańdarynyń qyzmeti toqtaıdy;
• teatr, mádenı nysandardyń jumysyna (jeke, toptyq daıyndyqtarda bir mezgilde 30 adamnan aspaıtyndaı etip, kelýshilermen otyratyn oryndar sanynyń 20% aspaıtyn toltyrýmen) ruqsat etiledi;
• Halyqqa qyzmet kórsetý ortalyqtary jumys kúnderi (dúısenbi-juma) saǵat 9.00-den 18.00-ge deıin, senbi kúnderi saǵat 9.00-den 14.00-ge deıin jumys jasaıdy;
• oqý bitiretin synyptar (9, 11 (12 synyptar) úshin aptanyń 6 kúni ishinde aralas oqytýǵa: pánderdiń 70%-yn shtattyq rejımde, 30%-yn qashyqtyqtan oqytýǵa ruqsat beriledi.

Túrkistan oblysynyń bas sanıtar dárigeri N. Nyshanovtyń qaýlysy 5 aqpan saǵat 00:00-den bastap kúshine endi.

Atalǵan qujatta:

• qalalyq, qoǵamdyq jaǵajaılardyń, akvaparkterdiń kyzmetine tyıym salynady;
• bilim berý uıymdarynyń qyzmeti toqtatylady;
• áleýmettik qashyqtyqty saqtaı otyryp, 3 adamnan aspaıtyn toptarmen nemese bip otbasy múshelerimen oıyn-saýyq obektilerine, saıabaqtarǵa, alańdar men skverlerge, jaǵalaýlarǵa jáne halyqtyń ózge de demalys oryndaryna baryna ruqsat etiledi;
• asa qajettilik bolmasa 65 jastan asqan adamdardyń úıden shyǵýyna tyıym salynady;
• buqaralyq, mádenı is sharalardy ótkizýge ruqsat etilmeıdi.

Qyzylorda oblysynyń bas sanıtar dárigeri D. Janabergenova karantın sharalary týraly №1 qaýlysyna ózgerister engizgenin málimdedi.

Jańa qaýly boıynsha qoǵamdyq tamaqtaný oryndary qýaty 30%-dan aspaı jumys jasaı alady. Sondaı-aq, bilim berý uıymdarynda 9, 11 (12) synyptar, kolejder men joǵary oqý oryndarynyń 1 kýrs stýdentteri úshin qoǵamdyq tamaqtaný obektileriniń jumysyna ruqsat etiledi.

Qaýly 9 aqpannan bastap kúshine endi.

Qostanaı oblysynyń bas sanıtar dárigeri E. Daýletbaev koronavırýs ınfeksıasynyń taralýyn aldyn alý maqsatynda 4 aqpandaǵy № 5 qaýlysyna ózgerister men tolyqtyrýlar engizdi.

Bas sanıtar dárigerdiń qaýlysyna sáıkes:

• 2020-2021 oqý jylynyń úshinshi toqsanynda kontıngenti 300-ge deıin, synyptardaǵy balalar sany 15 adamǵa deıin qalalyq jáne aýyldyq mektepterde dástúrli formatta oqýyna ruqsat etiledi;

• kolejder men joǵary oqý oryndarynyń I kýrs stýdentteri úshin ekinshi semestrden bastap shtattyq oqýǵa ruqsat beriledi;

• bilim berý obektilerindegi qoǵamdyq tamaqtandyrý obektileriniń qyzmeti jumys jasaıdy;
• (9, 11 (12) synyptar) úshin aptanyń 6 kúni ishinde aralas oqytý:pánderdiń 70% - y shtattyq rejımde, 30% - y qashyqtan oqytylady.

Qaýly 10 aqpan saǵat 00:00-den bastap kúshine endi.