Almatyda 14 aqpanda "Domillion" saýda úıinen órt shyqty. Bul týraly qalalyq tótenshe jaǵdaılar departamenti málimdedi.

Departament ókilderiniń habarlaýynsha, órt tańǵy saǵat 8:56-da shyqqan. Saýda úıiniń órtenip jatqany týraly habarlamany ala salysymen arnaıy jasaq oqıǵa ornyna barǵan.

"Saǵat 09:30-da ǵımarat qoıý tútinge orandy. Tekseris barysynda gaz, tútinnen qorǵaý qyzmeti jıhaz satatyn qoımanyń janǵanyn anyqtady.

Saǵat 09:46-da órt sóndirildi. Saýda ortalyǵynda órt sóndirýshi jáne tútinnen tazartatyn júıe iske qosylyp, órttiń taralýyna jol bermedi" dedi vedomstvo ókilderi.

Órt bolǵan jerge 24 tehnıka, jeke quramnan jáne qalanyń ózara is-qımyl qyzmetinen 79 adam jumyldyryldy.

Zardap shekkender men qaıtys bolǵandar joq.