Qazaqstandyq Janbota Aldabergenova frıstaıl-akrobatıkadan halyqaralyq týrnır jeńimpazy atandy, dep habarlady olympic.kz saıty.
Saıttyń málimetinshe, bul kúnderi AQSH-tyń Iýta park aımaǵynda frıstaıl-akrobatıkadan North American Cup halyqaralyq dodasy ótip jatyr.
Otandasymyz 85.68 nátıjesimen top jardy. AQSH ókili Tasıa Tanner 76.56 kórsetkishimen kúmiske ıe bolsa, kanadalyq Iýstın Ellı qola júldeni ıelendi. Sondaı-aq jarys qorytyndysy boıynsha, Qazaqstan quramasynyń sportshylary arasynda Aqmaral Qalmurzaeva 6-orynnan kórinse, Aıana Joldas 7-orynǵa taban tiredi.
