Ońtústik Qytaı teńizide Vashıngton-Beıjiń arasynda áskerı qaqtyǵys qaýpi órship barady. Sarapshylar Qytaıdyń Taıvanǵa tóndiretin qaýip-qateri jáne táýelsiz araldyń mańyndaǵy áskerı belsendilik kúsheıip bara jatqanyn aıtyp eskertý jasady.
Beıjiń "Taıvan máselesi soǵysqa ulasatynyn" ashyq jarıalasa, Sı Szınpın Baıdenge "qarsylasý apatqa ákep soǵatynyn" tótesinen aıtty.
Mamandar áskerı qaqtyǵys saldarynyń bolý qaýpi joǵary ekenin eskertedi.
Qańtarda AQSH prezıdenti Djo Baıden qyzmetke kirisken alǵashqy birneshe aptada qytaı soǵys ushaqtarynyń birneshe "iri shabýyldary" týraly habarlanǵan.
Al osy aptanyń basynda Baıden Aq úıde ant qabyldaǵannan soń alǵash ret Qytaı prezıdenti Sı Szınpınmen telefon arqyly sóılesti.
Áńgime barysynda Sı Szınpın AQSH prezıdentine "qarsylasý apat" ákeletinin ashyq aıtty.
Jaqynda ǵana Beıjiń Taıvanǵa "táýelsizdikke umtylsa soǵys" bolatynyn qatań eskertý jasady.
Qytaı soǵys ushaqtarynyń shabýyldaryn AQSH tasymaldaýshy áskerı tobymen bir ýaqytta bir aımaqta ótkizdi.
Shıelenisken oqıǵalarǵa baılanysty Shyǵys Azıadaǵy áskerı sarapshy jáne "soǵystan keıingi Japonıanyń teńiz kúshi" eńbeginiń avtory Alessıo Patalano Express.co.uk saıtyna bergen suhbatta Qytaıdyń qaýip-qaterlerine baıypty qaraý kerek dep qatań eskertken.
Saıası sarapshy jáne Aptos qalasyndaǵy Kabrıllo kolejiniń antropologıa profesory Dennıs Etler AQSH-tyń Qytaımen qarym-qatynasyna qatysty "Djo Baıden qıyn jerde qalyp qoıdy" dep málimdedi.
Ol Tramp ákimshiliginiń syrtqy saıasatyn eske ala otyryp, "Tramptyń Beıjińge qatysty qatań saıasaty keri áserin berip, ýáde etilgen nátıjege qol jetken joq" deıdi.
Pikir qaldyrý