Dúnıejúzilik densaýlyq saqtaý uıymynyń sarapshylary koronavırýstyń paıda bolýyna qatysty derekterdi Qytaı bıligi jasyryn ustap otyrǵanyn aıtady. Bul týraly Ýhanǵa barǵan mamandardyń biri The Wall Street Journal basylymyna bergen suhbatynda málimdedi.

Ǵalymnyń aıtýynsha, Qytaı bıligi koronavırýs juqtyrýdyń alǵashqy 179 deregi jaıly málimetterdi usynýdan bas tartyp, kerisinshe ózderi jasaǵan taldaý jumystarynyń nátıjesin kórsetken.

DDSU-na múshe elder kez kelgen aýrý boıynsha bastapqy aqparatpen bólisýge tıis. Ázirge atalǵan jaǵdaı týraly Qytaı bıligi pikir bildirmeı otyr.

Jýyrda Úndistannyń WION telearnasy DDSU sheneýnikteri "koronavırýs týraly aqparatpen bólispegeni úshin Qytaıdy aıyptady delingen qupıa aýdıojazbany jarıalaǵan.

Taspada daýsy doktor Maık Raıanǵa uqsaıtyn adam Qytaı aqparatty jasyryp, vırýstyń búkil álemge taralýyna múmkindik bergenin aıtyp, aıyptaıdy jáne pandemıany 2003 jylǵy SARS epıdemıasymen salystyrady.

Aýdıodan Raıandikine óte uqsas daýystyń "Bul dál osy senarı" degen sózi estiledi. Sondaı-aq aýdıodaǵy daýys qytaılyq dárigerlerdi aıyptaıdy, sebebi, ol kezde Qytaı dárigerleri "koronavırýstyń adamnan adamǵa juǵýy týraly naqty dálelder joq" dep jarıalaǵan.