Áskerı qyzmetker Shymkentte qyzdy zorlaqtan qutqaryp qalǵan, dep habarlady zakon.kz.

Kezekti eńbek demalysynda júrgen Ulttyq ulannyń 6506 áskerı bólim sarbazy 13 aqpan kúni saǵat 00:40 shamasynda Jibek joly kóshesiniń boıynda kele jatyp, kenet qyzdyń shyńǵyrǵan daýsyn estigen. Dereý sol orynǵa jetip barǵan ol eki birdeı er azamattyń qyzdy jabylyp zorlaǵaly jatqanyn kórgen. 

Oılanbastan qyzǵa arasha túsýge umtylǵan oǵan álgi ekeýi tap beredi. Degenmen sarbaz bireýiniń qolyn qaıyryp úlgeredi, alaıda ekinshisi sol sátti paıdalanyp qashyp ketken. Artynsha oqıǵa ornyna 102 polısıasynyń ekıpajy shaqyrylyp, ustalǵan adam Eńbekshi aýdandyq polısıa bólimine jetkiziledi.

– Qyzdyń daýysyn estigende men dereý sol jerge bardym. Meniń ornymda bolsa kez kelgen adam dál osylaı jasaǵan bolar edi dep oılaımyn, – dedi Artem Kalashnıkov.

Kúdiktilerdi ustaý barysynda Artem qolyn jaraqattap alǵan, biraq soǵan qaramastan ol polısıa kelgenshe, er adamdy qımyldatpaı ustap turǵan. 

Bul is boıynsha qylmystyq is qozǵaldy, ekinshi kúdiktini ustaý jospary jarıalandy, dep tolyqtyrdy departament.