Almaty, Taldyqorǵan qalasy jáne Atyraý, Aqmola, Shyǵys Qazaqstan, Qaraǵandy oblystarynda karantındik shekteý sharalary kúsheıtildi. Bul týraly óńirlerdiń bas sanıtar dárigerleri málimdedi.

Almaty qalasynyń bas sanıtar dárigeri Jandarbek Bekshın karantın sharalaryna ózgerister men tolyqtyrýlar engizdi.

Qaýlyǵa sáıkes:

• saýda jáne oıyn-saýyq ortalyqtarynyń, saýda úıleri men saýda jelileriniń jumysyna turaqty rejımde ruqsat etiledi;
• ujymdyq is sharalardy ótkizýge tyıym salynady;
• Jumys jáne demalys kúnderi ashyq azyq-túlik jáne azyq-túlik emes bazarlaryna shtattyq rejımde jumys isteýine ruqsat etiledi. Adam tolymdylyǵy 30%-dan aspaıtyn jáne 4 sharshydan kem emes jabyq jáne azyq-túlik emes jabyq bazarlarǵa áleýmettik araqashyqtyqty, maska rejımin, sanıtarlyq-dezınfeksıalyq rejımdi qatań saqtaı otyryp, ruqsat beriledi;
• Halyqqa qyzmet kórsetý ortalyqtaryna adamdar aldyn-ala jazylý boıynsha qabyldanady;
• 50 adamǵa deıin qatysatyn mádenı nysandar men konsert zaldarynyń jumysyna (repetısıa), zaldardy 30%-dan aspaıtyn teatrlardyń, kınoteatrlardyń jumysyna ruqsat etiledi;
• dinı obektilerdiń qyzmetine ruqsat etiledi. 

Atalǵan qaýly 15 aqpan kúni kúshine enedi.

Taldyqorǵan qalasynyń bas sanıtar dárigeri E. Ásimqulov karantındik jańa shekteý sharalary 15 aqpan saǵat 7:00-den bastap kúshine enetinin eskertti.

Qaýlyǵa sáıkes: 

• 50 orynnan joǵary qoǵamdyq tamaqtaný obektileriniń jumysy toqtatylady;
• mádenı, buqaralyq, sporttyq is-sharalardy ótkizýge tyıym salynady;
• jeke kezdesýler (jınalys, semınar, trenıń, forým, konferensıalar) ótkizýge tyıym salynady; 
• bank pochta bólimsheleri jáne halyqqa qyzmet kórsetý ortalyqtaryna aldyn-ala jazylý boıynsha barýy tıis.

Atyraý oblysynyń bas sanıtar dárigeri M. Tanaýovtyń qaýlysy 11 aqpan saǵat 00:00-den bastap kúshine endi.

"Atyraý oblysy turǵyndary arasynda koronavırýs ınfeksıasynyń aldyn-alýǵa qatysty sharalar týraly" bas memlekettik sanıtar dárigeriniń 2021 jyldyń 10 aqpandaǵy №3 qaýlysyna ózgerister engizildi.

Bas sanıtar dárigerdiń qaýlysynda tómendegideı talaptar bar:

• qoǵamdyq tamaqtaný oryndarynda tamaqtaný kezinde áleýmettik araqashyqtyqty saqtaı otyryp jáne 5 (bes) jasqa deıingi balalardy kospaǵanda, qoǵamdyq oryndarda, turǵyndardyń barýyna jáne demalýyna, qyzmet kórsetýge arnalǵan oryndarda, qoǵamdyq kólikterde medısınalyq nemese mata betperdelerdi kıý mindetti;
• 65 jastan asqan adamdarǵa azyq-túlik, dári-dármek pen medısınalyq buıymdardy, qajetti taýarlardy satyp alýdy, sondaı-aq medısınalyq mekemelerge barýdy  qospaǵanda asa qajettilik bolmasa turǵylyqty jerinen shyqpaýy tıis;
• barlyq oblys turǵyndaryna halyq kóp shoǵyrlanatyn jerlerge barmaýǵa, áleýmettik araqashyqtyqty saqtaýǵa, betperde tártibin jáne jeke bas gıgıenasyn saqtaýy tıis;
• merekelik, oıyn-saýyq, kópshilik mádenı, sporttyq, bilim berý is-sharalardy, kórmelerdi, korporatıvti, forýmdardy, konferensıalardy, sondaı-aq otbasylyq, estelik is-sharalardy ótkizýge tyıym salynady;
• dinı obektiler (meshitter, shirkeýler, soborlar, sınagogalar jáne basqalar) toltyrylýy 30% - dan aspaıtyn jáne bir kelýshige keminde 5 m²qamtamasyz ete otyryp, jumys kúnderi ǵana jumys isteýge ruqsat etiledi;
• sulýlyq salondary, shashtarazdar, kosmetologıalyq qyzmet kórsetetin obektiler aldyn ala jazylý boıynsha (obektiniń toltyrylýy  1 kelýshige keminde 4 sharshy metr esebimen) shtattyq rejımde jumys kestesin belgileı otyryp ruqsat etiledi.

Shyǵys Qazaqstan oblysynyń bas sanıtar dárigeri H. Ilúbaev koronavırýs ınfeksıasyn aldyn alý úshin óz qaýlysyna jańa ózgerister men tolyqtyrýlar engizdi.

"SHQO-da 14 aqpannan bastap 27 aqpanǵa deıin shekteý sharalary uzartylsyn" delingen qujatta.

Qaýlyǵa sáıkes:

• buqaralyq otbasylyq, saltanatty, eske alý is-sharalarynyń (banketter, úılený toılary, mereıtoılar, as berý), onyń ishinde úıde ótkizilýine tyıym salynady;
• adamdar kóp jınalatyn jerlerde, onyń ishinde jabyq úı-jaılarda jáne buqaralyq teatrlandyrylǵan qoıylymdardyń, anımatorlar men qýyrshaqtar qyzmetteriniń, shoý-baǵdarlamalardyń, konsertter men basqa da buqaralyq is-sharalardyń ótkizilýine tyıym salynady;
• qýaty 150 adamǵa deıin, toltyrylýy 25%-dan aspaıtyn aýyldyq jerlerde ornalasqan meshitterdi qospaǵanda, meshitterde juma namazynyń ótkizilmeýi tıis;
• qoǵamdyq oryndarda, onyń ishinde avtobýs aıaldamalarynda jáne qoǵamdyq kólikte, onyń ishinde taksıde maska kıý rejımin saqtaýy tıis.

Qostanaı oblysynyń bas sanıtar dárigeri E. Daýletbaev koronavırýs ınfeksıasynyń taralýyn aldyn alý maqsatynda 4 aqpandaǵy № 5 qaýlysyna ózgerister men tolyqtyrýlar engizdi.

Bas sanıtar dárigerdiń qaýlysyna sáıkes:

• 2020-2021 oqý jylynyń úshinshi toqsanynda kontıngenti 300-ge deıin, synyptardaǵy balalar sany 15 adamǵa deıin qalalyq jáne aýyldyq mektepterde dástúrli formatta oqýyna ruqsat etiledi;

• kolejder men joǵary oqý oryndarynyń I kýrs stýdentteri úshin ekinshi semestrden bastap shtattyq oqýǵa ruqsat beriledi;

• bilim berý obektilerindegi qoǵamdyq tamaqtandyrý obektileriniń qyzmeti jumys jasaıdy;
• (9, 11 (12) synyptar) úshin aptanyń 6 kúni ishinde aralas oqytý:pánderdiń 70% - y shtattyq rejımde, 30% - y qashyqtan oqytylady.

Qaýly 10 aqpan saǵat 00:00-den bastap kúshine endi.

Qaraǵandy oblysyna qarasty Osakarov aýdanynyń bas sanıtar dárigeri G. N. Roı karantın sharalaryna qatysty jańa qaýlysyn jarıalady.

Atalǵan qujatta Osakarov aýdanynyń Molodejnyı kentiniń aýmaǵynda shekteý sharalaryn kúsheıtý jóninde bas sanıtar dárigerdiń №1 qaýlysyna ózgerister men tolyqtyrýlar engizý jóninde 2021 jylǵy 21 qańtardaǵy №2 Qaýlysynyń kúshin joıý týraly qaýlysy qabyldandy.