Almaty Ortalyq saıabaǵy (burynǵy Gorkıı parki) aýmaǵynda Abaı atyndaǵy Qazaq ulttyq ýnıversıteti stýdentterine arnap jataqhana salý josparlanýda. Osyǵan oraı almatylyqtar 1 naýryzda ótetin qoǵamdyq tyńdaýǵa qatysyp, pikir bildire alady, dep habarlady informburo.kz saıty.
Qoǵamdyq tyńdaý barysynda altyqabattyq jataqhana qurylysynyń qorshaǵan ortaǵa áseri baǵalanbaq. Jıyn 1 naýryzda saǵat 10:00-de Almaty qalasy Ortalyq saıabaq 10-úı mekenjaıynda ótedi.
Astyńǵy qabattan turatyn 327 orynǵa shaqtalǵan jataqhana saıabaqtyń ońtústik shyǵys jaǵynda, voljtrek mańynda salynady dep josparlanǵan.
Jer teliminiń qoldanylý maqsatyn ózgertý týraly qaýlyǵa Almatynyń eks-ákimi Baýyrjan Baıbek 2018 jyly qoıǵan.
Qoǵamdyq tyńdaýdy uıymdastyrýǵa Almaty qalasy Jasyl ekonomıka basqarmasy jaýapty. Qurylysqa Abaı atyndaǵy Qazaq ulttyq ýnıversıteti tapsyrys bergen.
Máselege baılanysty talap-tilekti qoǵamdyq tyńdaý óterden 3 kún buryn almansur_almaty@mail.ru elektrondyq poshtasyna joldaýǵa bolady.
Pikir qaldyrý