Aqtóbe oblysynyń bas sanıtar dárigeri N.A. Berkimbaeva karantın sharalarynyń aldyn alý maqsatynda karantın týraly qaýlysyna ózgerister men tolyqtyrýlar engizdi.

Atalǵan qaýlyǵa sáıkes:

• muz aıdyndarynyń qyzmetine tolymdylyǵy 50%-dan aspaıtyn áleýmettik qashyqtyqty, betperde rejımin mindetti túrde saqtaı otyryp ruqsat etiledi;
• meshitterde tolymdylyǵy 30%-ǵa deıin, biraq 100 adamnan aspaǵan kezde (bes namaz) ujymdyq qudaıǵa qulshylyq etýge; qýaty 150 adamǵa deıin, tolymdylyǵy 25%-dan aspaıtyn meshitterde,  aýyldyq jerlerde ǵana juma namazyna ruqsat beriledi;
• 50% aspaıtyn teatrlardyń, kınoteatrlardyń, konserttik zaldardyń qyzmetine ruqsat etiledi;
• bilim  berý uıymdaryndaǵy, orta jáne joǵarǵy oqý uıymdaryndaǵy qoǵamdyq tamaqtaný obektileriniń qyzmetine  ruqsat etiledi;

Bas sanıtar dáriger qaýly qol qoıylǵan kúninen bastap kúshine enetinin eskertti.