Aıa Ómirzaqova esimdi azamat ózin zorlamaq bolǵan ulttyq qaýipsizdik komıteti qyzmetkerinen qutqaryp qalǵan adamdardy izdep jatqanyn aıtyp, beıneúndeý jarıalady.
Bul – Aıa Ómirzaqovanyń kezekti vıdeoúndeýi. Buǵan deıin ol UQK qyzmetkeri 2020 jyly qyrkúıektiń 11-inen 12-sine qaraǵan túni ózin Almaty oblysy Qaskeleń qalasy Jalpaqsaı aýylynyń mańyndaǵy elsiz dalaǵa aparyp kólikte zorlamaq bolǵanyn aıtqan. Kúdikti jábirlenýshini uryp-soqqan, "óltiremin" dep qorqytqan. Bir mezette qyz kóliktegi arpalystan sytylyp shyǵady. Sol sátte olarǵa qaraı kólik kele jatty. Muny kórgen kúdikti oqıǵa ornynan qashyp ketken. Kezdeısoq kelgen kólikten 3 jigit shyǵyp, qyzdy polısıa qyzmetkerlerine tapsyrǵan. Jábirlenýshi endi sol 3 jigitti izdep júr. Olar atalǵan jaǵdaıdy rastaý úshin qozǵalǵan qylmystyq iske kýá retinde qajet.
– Ádildik saltanat qurýy úshin sizderdiń maǵan baılanysqa shyqqandaryńyz óte kerek, – degen ol oqıǵa týraly qandaıda bir derek biletinder bolsa Almaty oblysy polısıa departamentine habarlasýdy ótindi. Departament nomeri: 8 (7282) 60 80 08
Búginde qylmystyq kodekstiń "Zorlaý áreketi" baby boıynsha tergeý jalǵasyp jatyr.
Posmotret etý pýblıkasıý v Instagram
Pikir qaldyrý