Úkimet otyrysynda premer-mınıstr Asqar Mamın mınıstrlikter men ákimdikter jumysynyń maqsat-mindetin aıtty.
– Jyl endi bastalsa da, mınıstrlikter men ákimdikter jumysty jandandyryp, tıisti sharalar qabyldaýy kerek jáne belgilengen maqsattar men mindetterdi dál oryndaýy qajet, – dedi ol.
Sondaı-aq Mamın syrtqy ister mınıstri Muhtar Tileýberdiniń óńir ákimderi orynbasarlarynyń fýnksıonaldyq mindetterin qaıta qaraý usynysyn qoldaıtynyn aıtty.
– Memlekettik organdardyń birinshi basshylaryna, óńirlerdiń ákimderine jáne kvazımemlekettik sektordyń basshylaryna ınvestısıa tartýǵa jaýapty orynbasarlardyń osy mańyzdy fýnksıaǵa basa nazar aýdarýyna yqpal etýdi tapsyramyn, – dedi úkimet basshysy.
Pikir qaldyrý