Dúnıejúzilik densaýlyq saqtaý uıymy (DDSU) búkil álemde Covid-19 jaǵdaılarynyń 17 paıyzǵa tómendegenin jarıalady. bul úrdis alty aımaqta tirkeldi. Degenmen vırýstyń jańa nusqalaryna qatysty alańdaýshylyq kúsheıip keledi.
DDSU-nyń sońǵy esebi búkil álemde bir apta ishinde koronavırýstyń 3,15 mıllıon jańa jaǵdaılaryn tirkedi. Bul aldyńǵy aptadan 17 paıyzǵa tómen jáne ınfeksıa tórt apta boıy tómendep keledi.
Biraq jańa Covid-19 shtammdarynyń paıda bolýyn záne búkil Eýropadaǵy vaksınasıa naýqandaryndaǵy sátsizdikterdi esepke alǵanda, pandemıa áli de qaýpin joımaǵanyn ańǵartady.
DDSU Afrıkadaǵy, Amerıkadaǵy, Ońtústik-SHyǵys Azıadaǵy, Eýropadaǵy, Shyǵys Jerorta teńizi men Tynyq muhıtynyń batysyndaǵy apta saıynǵy esepterdiń tómendegeni týraly habarlasa da, naqty Covid-19 jaǵdaıy men resmı málimettegi jaǵdaıdyń arasynda úlken aıyrmashylyq bolýy múmkin dep boljaıdy. Alaıda, quldyraý Úndistan, Japonıa jáne Ispanıa sıaqty elderde aıqyn baıqalady, al Fransıa men Germanıada nátıje kórnekti emes.
"Bul, árıne, jaman jańalyq emes, biraq biz onyń qanshalyqty jaqsy ekenin áli biletin bolamyz" dedi Londondaǵy Frensıs Krık ınstıtýtynyń zertteý bóliminiń jetekshisi vırýsolog Djonatan Stoı France24 basylymyna.
