13 aqpanda óz erkimen qyzmetten ketý týraly sheshim qabyldaǵanyn habarlaǵan Almaty oblysy Eńbekshiqazaq aýdanynyń ákimi Qýanyshbek Qashqymbaev búgin qyzmette ekeni habarlandy.

Ákim Eńbekshiqazaq aýdany ákiminiń instagram paraqshasynda "Qurmetti aýdan turǵyndary, meniń oqyrmandarym! Men, Qýanyshbek Qalıuly Eńbekshiqazaq aýdanynyń ákimi qyzmetin óz erkimmen bosattym! Osy qysqa ýaqyt aralyǵynda tarıhy baı ólkede eńbek etkenime, aýdan turǵyndarynyń túıtkildi máselelerin kishkene bolsa da sheshýge kómekteskenim úshin qýanyshtymyn! Aldaǵy ýaqyttada aýdan ákiminiń ornyna bilikti basshy keletinine senimdimin. 7 aı ýaqyt boıy birge jumys atqarǵan áriptesterime, aýdan turǵyndaryna úlken alǵysymdy aıtqym keledi! Eskere ketý kerek men osy laýazymdyq qyzmetti 2020 jyldyń 2 shildesinen bastap atqarǵan bolatynmyn!" dep jazba jarıalaǵan.

Qyzmette bolǵanyna endi 7 aı tolǵanda kenet qyzmetten ketý týraly sheshimge qatysty ákiminiń baspasóz qyzmeti resmı habarlamadaǵy aqparattan ózge eshteńe aıtpaǵan. 

Al búgin birqatar aqparat quraldarynda ákim 12 aqpanda jıyn barysynda qyzmetten ketetinin aıtqany habarlandy.

Bul másele boıynsha da ákimdik ókilderi pikir bildirmedi.

Jalpy Almaty oblysyndaǵy eń úlken ári halyq eń tyǵyz ornalasqan Eńbekshiqazaq aýdanynda ákim jıi aýysady.