Semeı qalasynda karantın talaptaryn saqtamaı saýnada demalǵan polısıa qyzmetkerleri jumystan qýyldy. Bul týraly

SHQO polısıa departamentiniń qaýipsizdik basqarmasy qyzmettik tergeý júrgizdi.

Tergeý barysynda bıylǵy jyldyń 29 qańtarynda ýchaskelik ınspektorlar jergilikti polısıa qyzmeti bólimshesiniń basshysy Rashıt Suńǵatovpen birge Semeıdegi monshada bolǵany anyqtaldy.

"Karantın talaptaryn buzǵany úshin ortalyq polısıa bóliminiń jergilikti polısıa qyzmeti bólimshesiniń basshysy Rashıt Suńǵatov qyzmetinen bosatyldy.

Al qalǵan ýchaskelik polısıa ınspektorlary qatań tártiptik jaýapkershilikke tartyldy.

Sonymen qatar, óz mindetterin adal atqarmaǵany jáne jeke quramnyń baqylaýsyzdyǵy úshin Semeı polısıa basqarmasy men Semeı polısıasynyń ortalyq bóliminiń birqatar laýazymdy tulǵasy qyzmetinen ketti", delingen SHQO polısıa departamenti taratqan habarlamada.

Monsha kesheninde bolǵan polısıa qyzmetkerlerin ákimshilik jaýapkershilikke tartý úshin SHQO Sanıtarlyq-epıdemıologıalyq baqylaý departamentine tıisti materıaldar joldandy.

Eske sala keteıik, áleýmettik jelilerde monshada demalyp júrgen bir top Semeı polıseıleriniń sýreti jarıalanǵan.

Keıinnen SHQO polısıa departamenti atalǵan iske qatysty qyzmettik tekserý bastaǵanyn habarlaǵan.