Almaty qalasynyń ákimi Baqytjan Saǵyntaev koronavırýs ınfeksıasyna qarsy vaksına saldyrýǵa daıyn ekenin aıtty.

Shahar basshysy indetke qarsy vaksınalaýǵa aqsha qarastyrylmaǵanyn atap ótti.

– Vaksınany aqyly túrde salý máselesi áli sheshilgen joq, buǵan deıin Prezıdent ekpe memleket esebinen salynatynyn aıtqan, sondyqtan bul máseleni áli de anyqtaımyz. Al ekpe alýǵa kelsek, men de halyqpen birge osy vaksınany alýǵa daıynmyn.

Qazir vaksınalardy ınfeksıalyq stasıonarlardyń, jedel járdemniń dárigerleri, emhanalardyń fıltrli jáne qyzyl aımaqtarda jumys isteıtin dárigerleri men medbıkeleri, sondaı-aq sanıtarlyq-epıdemıologıalyq qyzmettiń qyzmetkerleri alyp jatyr, – dedi Saǵyntaev.

2 naýryzdan bastap polısıa qyzmetkerleri, áskerı qyzmetkerler, orta mektepterdiń, joǵary oqý oryndarynyń muǵalimderi, medısına qyzmetkerleri vaksınalaýdan ótedi.