Bilim jáne ǵylym mınıstri Asqat Aımaǵambetov qazaq televızıasynyń ardageri Nurtileý Imanǵalıulynyń ómirden ótýine baılanysty otbasy men týysqandaryna kóńil aıtty.
– Nurtileý Imanǵalıuly ómirden ótti degen sýyt habar estidik… Sanaly ǵumyryn qazaq jýrnalısıkasyna arnaǵan aǵamyzben osy jazda jańa oqý jylynyń qarsańynda ashyq-jarqyn áńgimelesken bolatynbyz. Suhbattyń sońynda rızashylyǵyn bildirgen aǵamyz, “Qaıda júrseńiz de, asyǵyńyz alshysynan tússin” dep maǵan da aq batasyn bergen edi.
“Salmaqty sóz úıirse asyqtaı ǵyp, bar-joǵy 40 mınýt, asyqpaıyq“ dep baǵdarlama barysynda ózekti taqyryptardy qozǵap, mańyzdy máselelerdi jan-jaqty taldap, halyqtyń kókeıinde júrgen saýaldardy kóterýshi edi.
Nurtileý Imanǵalıulynyń týǵan-týys, jaqyndaryna kóńil aıtamyn. Qaıǵylaryńyzǵa ortaqpyn. Baqul bolyńyz, aǵa!, – dep kóńil aıtty mınıstr áleýmettik jelidegi paraqshasynda.
Buǵan deıin prezıdent Qasym-Jomart Toqaev pen elbasy Nursultan Nazarbaev belgili telejúrgizýshi Nurtileý Imanǵalıulynyń otbasyna kóńil aıtý jedelhatyn joldaǵan bolatyn.
Pikir qaldyrý