Djo Baıden endi Donald Tramp týraly eshteńe aıtpaıtynyn málimdedi.
AQSH prezıdenti CNN telearnasynyń qalalyq ǵımaratyndaǵy is-sharada "Tórt jyl ishinde jańalyqtyń bári Tramp qana boldy. Aldaǵy tórt jylda men barlyq jańalyqtardyń Amerıka halqy týraly ekenine kóz jetkizgim keledi" dedi.
Jańa prezıdent Qytaıdaǵy adam quqyqtarynyń buzylýy týraly da aıtýdy umytpady. Ol Pekınniń osy isteri úshin "zardaptarǵa" tap bolatynyn aıtty.
Djo Baıden oǵan qosa aq násildilerdi joǵary sanaıtyn sýprematıstik kózqarastardy nasıhattaǵandar "aqymaq" jáne "qaýipti" adamdar ekenin aıtty. Baıden eldegi násilshildik qaýpin aıtty jáne 6 qańtardaǵy AQSH Kapıtolııindegi kóteriliske qatysty saýaldarǵa jaýap berdi. Baıden olardy AQSH-taǵy ishki terorızm turǵysynan eń úlken qaýip dep ataı otyryp, Amerıkadaǵy násilshildik problemasy "kúrdeli, aýqymdy jáne shynaıy" dedi.
Pikir qaldyrý