"Qazgıdromet" eldiń 15 óńirinde daýyldy eskertý jarıalandy. Olardyń arasynda Nur-Sultan, Shymkent, qalalary, Aqmola, Atyraý, Almaty, Shyǵys Qazaqstan, Jambyl, BQO, Qaraǵandy, Qostanaı, Pavlodar, Qyzylorda,  Mańǵystaý, SQO jáne Túrkistan oblystary bar.

Qazirgi ýaqytta aýa raıynyń nasharlaýyna baılanysty eldiń bes óńirinde Nur-Sultan qalasyndaǵy, Almaty, Shyǵys Qazaqstan, Soltústik Qazaqstan, Pavlodar oblystaryndaǵy respýblıkalyq mańyzy bar avtojoldardyń 8 ýchaskesi men oblystyq mańyzy bar avtojoldardyń 40 ýchaskesinde qozǵalys jabylǵan.

"Shuǵyl jumystarǵa tótenshe jaǵdaı mınıstrligi men ishki ister mınıstrligi jol qyzmetteri men jergilikti atqarýshy organdardan 611 adam jáne 321 birlik tehnıka jumyldyrylǵan. Halyqty evakýasıalaý úshin joldardyń jabyq ýchaskelerinde 284 jylytý pýnkti daıyndaldy, onda 227 adam, onyń ishinde 14 bala ornalastyryldy.

TJM aýmaqtyq bólimsheleri Aqmola, Almaty, Atyraý, Qostanaı, Pavlodar oblystaryndaǵy avtojoldarda 77 adamdy, onyń ishinde 6 balany evakýasıalaǵan. 20 adamdy, onyń ishinde 3 balany qutqarǵan.