Beıjiń alǵash ret Qytaı-Úndistan arasyndaǵy ótken jylǵy qandy qaqtyǵysta óz tarapynan tórt sarbaz kóz jumǵanyn jarıalady.

"Qytaı shekarasyna ótip ketken sheteldik áskerlermen" soǵysqan Beıjiń armıasynyń 4 sarbazy qaıtys boldy, dep habarlady qytaılyq memlekettik BAQ.

Qandy qaqtyǵys Úndistannyń Ladah aımaǵyndaǵy Galvan alqabynda bolǵan.

Bul sońǵy 45 jyl ishindegi daýly shekara aımaǵyndaǵy alǵashqy qandy qaqtyǵys.

Byltyrǵy qaqtyǵysta Úndistan 20 sarbazy qaza tapqanyn málimdegen, al Beıjiń  shyǵyndardy moıyndasa da, biraq egjeı-tegjeılerin aıtpaǵan.

Juma kúni Qytaıdyń "PLA Daily" áskerı jańalyqtar resýrsy "qany men ómirlerin" bergen "batyr" qytaılyq sarbazdardyń esimderin atady. Olardyń barlyǵyna ataq beriletini aıtyldy.

Polk komandır de "aýyr jaraqattardan" keıin qurmetke ıe bolatyny jarıalandy.