Shymkent qalasynyń bas sanıtar dárigeri Ábdimanap Tólebaev karantındi kúsheıtýge qatysty jańa qaýlysyn shyǵardy.

"Shymkent qalasynyń aýmaǵynda 22 aqpan saǵat 00:00-den bastap 08 naýryz saǵat 00:00-ge deıin karantın jáne shekteý sharalary uzartylsyn" delingen qaýlyda.

Jańa qaýlyǵa sáıkes: 

• 65 jastan asqan adamdardyń qalada júrýine shekteý qoıylady;
• qalada júrgende maska rejımi jáne 2 metrge deıin áleýmettik qashyqtyq saqtalady;
• 3 adamnan aspaıtyn toppen nemese bir otbasy músheleri bop aýlada serýendeýge, saıabaqtarǵa, alańdarǵa, skverler men jaǵalaýlarǵa barýǵa ruqsat etiledi;
• jumys ýaqytyn barynsha qysqartý, qyzmetkerlerdiń 50%-yn qashyqtan jumys isteýge kóshirý;
• Halyqqa qyzmet kórsetý ortalyqtary jumys kúnderi (dúısenbi-juma) saǵat 9.00-den 18.00-ge deıin isteıdi, mereke kúnderi jabyq bolady;
• teatr, mádenı nysandardyń jumysyna (jeke, toptyq daıyndyqtarda bir mezgilde 30 adamnan aspaıtyndaı bolsa) ruqsat etiledi.

Atalǵan qaýly 2021 jyldyń 22 aqpan saǵat 00:00-den bastap kúshıine enedi.