Elbasy Nursultan Nazarbaev Sh.Aımanov atyndaǵy "Qazaqfılm" aksıonerlik qoǵamynyń prezıdenti Aqan Sataevty qabyldady, dep habarlady elbasy.kz saıty.

Saıt málimetinshe, kezdesý barysynda Nursultan Nazarbaev táýelsizdik alǵannan beri memleket árqashan óner salasyn damytýǵa erekshe kóńil bólip kele jatqanyn atap ótti.

– Sizdiń kınoındýstrıada úlken tájirıbeńiz jáne qoǵamda aıryqsha ornyńyz bar. Sizdiń fılmderińiz túrli kınofestıvalderge qatysyp júr. Kórermender sizdiń "Anaǵa aparar jol", "Tomırıs" jáne basqa da týyndylaryńyzdy jyly qabyldady. Qazir sizderge úlken jaýapkershilik júktelip otyr. Aldaǵy jumysyńyzǵa tabys tileımin, – dedi Nazarbaev.

Kezdesý barysynda Aqan Sataev Nursultan Nazarbaevqa kórkem fılmder shyǵarý jónindegi josparlar men otandyq kıno sapasyn arttyrý jóninde qabyldanǵan sharalar týraly áńgimeledi.