Pavlodar oblysy Ekibastuz qalasynda turǵynúı aýlasynda kisi qolynan qaza tapqan er adamdy áriptesteri óz mindetterin adal atqarǵan qyzmetker bolǵanyn aıtty.

Marqum Janat Maqsutov "Severnye MES" AQ KEGOK fılıalynda 4 razrádty joǵary vóltty jelilerdi jóndeý jónindegi elektr monteri bolyp jumys istegen.

Áriptesteri onyń bul kásiporynda ashylǵan kúninen bastap qyzmet etetinin aıtty. Ol joǵary vóltty jelilerde jumys isteý kezinde qoldanylatyn arnaıy tehnıkanyń qyr-syryn jetik meńgergen eken.

Áriptesteriniń aıtýynsha, ol árdaıym óz mindetterin óte adal atqarǵan. Kez kelgen ýaqytta jóndeý profılaktıkalyq jáne avarıalyq-qalpyna keltirý jumystaryna qatysý úshin qyzmet ornyna barýǵa daıyn bolǵan.

Jumysyna sińirgen eńbegi úshin ol energetık kúnine oraı Ekibastuz ákiminiń jáne kompanıa fılıalynyń qurmet gramotalarymen, sondaı-aq kompanıanyń jıyrma jyldyǵyna arnalǵan mereıtoı medalimen marapattalǵan.

– Ol nebári 60 jasta edi. Meıirimdi, uqypty,  qarapaıym, sabyrly, janashyr edi. Qıyn kezderde árqashan joldastarynyń janynan tabylatyn, – dedi áriptesteri.

Marqum Janat Maqsutov eki qyz ben bir ul tárbıelep otyr edi.

Eske salsaq, búgin Ekibastuz qalasynda belgisiz bireý turǵynúı aýlasynda jurt kózinshe er adamdy atyp óltirgeni habarlanǵan.

Oqı otyryńyz:

♦ Ekibastuzdaǵy kisi ólimi. Kúdikti zeınetker ekeni habarlandy